Kerfi Nasdaq CSD eru opin til uppgjörs á þeim dögum sem TARGET2-Securities verðbréfaviðskiptakerfið (T2S) er opið. Nasdaq CSD kerfið starfar því á dögum sem eru annars frídagar í viðkomandi landi ef T2S-kerfið er opið.

Kerfi Nasdaq CSD eru opin til uppgjörs á virkum dögum. Verðbréfamiðstöðin annast engin uppgjör á eftirfarandi dögum, óháð gjaldmiðli:

• Alla laugardaga
• Alla sunnudaga
• Föstudaginn langa
• Annan í páskum
• 1. maí (dagur verkalýðsins)
• 25. desember (jóladagur)
• 26. desember (annar í jólum)
• 1. janúar (nýársdagur)

Sé um að ræða fjármálagerninga sem eru aðeins gerðir upp í viðkomandi landi (þ.e. ekki gegnum T2S) er farið eftir frídögum þess lands.

Hvert verðbréfauppgjörskerfi fylgir þannig frídögum síns lands.

* Athygli er vakin á því að tveir uppgjörshringir eru keyrðir á gamlársdag sá fyrri klukkan 9:15 og sá seinni klukkan 11:45.
** Lokað frá hádegi á gamlársdag.

Almennur afgreiðslutími kerfis verðbréfamiðstöðvanna er milli 08:00 og 19:00 í Eistlandi, Lettlandi og Litháen og milli 08:00 og 17:00 á Íslandi, að staðartíma. Á afgreiðslutíma eru eftirfarandi aðgerðir mögulegar:

• innsetning og pörun uppgjörsfyrirmæla,
• innsetning og pörun aðgerðafyrirmæla (e. maintenance instructions),
• millifærsla peninga til greiðsluhluta kerfis eftir þörfum til að framkvæma uppgjörsfyrirmæli,
• uppgjör samkvæmt uppgjörsfyrirmælum,
• aðrar aðgerðir.

Pörun og aðgerðir á uppgjörsfyrirmælum eru framkvæmdar samfellt á almennum afgreiðslutíma, og í þremur lotum gegn greiðslu á Íslandi. Uppgjörsfyrirmæli um T2S-gerninga í Eystrasaltsríkjunum eru framkvæmd í T2S-kerfinu séu þau ekki upprunalega færð inn sem fyrirmæli sem hafa þegar verið pöruð.

Fyrirmæli um uppgjör án greiðslu (FoP) eru gerð upp samfellt í rauntíma á almennum afgreiðslutíma. FoP-uppgjör eru framkvæmd til kl. 19:00 í Eistlandi, Lettlandi og Litháen og til kl. 17:00 á Íslandi.

Fyrirmæli um afhendingu gegn greiðslu (DvP) eru gerð upp samfellt í rauntíma á almennum afgreiðslutíma, nema á Íslandi. DvP-uppgjör eru framkvæmd til kl. 17:00 í Eistlandi, Lettlandi og Litháen.

Fyrirmæli um DvP-uppgjör eru gerð upp í þremur lotum á Íslandi: kl. 09:15, 11:45 og 15:00.

Á dagslokatímabilinu milli kl. 19:00 og 21:00 í Eistlandi, Lettlandi og Litháen:

• er Nasdaq CSD kerfið opið fyrir fyrirspurnir þátttakenda (gegnum GUI-notendaviðmót og skilaboð),
• sendir Nasdaq CSD kerfið þátttakendum skýrslur í áskrift,
• Á milli kl. 19:45 og 21:00 sendir Nasdaq CSD uppgjörsfyrirmæli til T2S til afgreiðslu í næturuppgjöri (e. Night-Time Settlement eða NTS) til uppgjörs á tilætluðum uppgjörsdegi (e. Intended Settlement Date eða ISD). Vinsamlega athugið að tilætlaður uppgjörsdagur (ISD) hefst í T2S á ISD -1 kl. 21:00.

Á dagslokatímabilinu milli kl. 17:00 og 20:00 á Íslandi:

er Nasdaq CSD kerfið opið fyrir fyrirspurnir þátttakenda (gegnum GUI-notendaviðmót og skilaboð), sendir Nasdaq CSD kerfið þátttakendum skýrslur í áskrift.

Á næturtímabilinu milli kl. 21:00 og 08:00 í Eistlandi, Lettlandi og Litháen:

• er Nasdaq CSD kerfið opið þátttakendum á næturtíma, en ekki þjónustað af rekstrarsviðinu (Nasdaq CSD Operations). Ferli sem eiga sér stað á þessum tíma eru ekki undir virku eftirliti, auk þess sem stuðningur við þátttakendur í tengslum við villur í aðgerðum er ekki tiltækur.
• Nasdaq CSD kerfið er samstillt gögnum sem berast frá T2S NTS (fyrstu NTS-umferð lýkur í síðasta lagi kl. 23:00) og sendir þátttakendum í Nasdaq CSD upplýsingar um stöðu uppgjörsfyrirmæla og/eða staðfestingarskilaboð (séu þeir í áskrift).

Á næturtímabilinu milli kl. 17:00 og 08:00 á Íslandi:

• er Nasdaq CSD kerfið opið fyrir fyrirspurnir þátttakenda (gegnum GUI-notendaviðmót og skilaboð). Ekki er þó gert ráð fyrir að þátttakendur í Nasdaq CSD noti kerfi Nasdaq CSD og því hefur rekstrarsvið fyrirtækisins (Nasdaq CSD Operations) hvorki virkt eftirlit með ferlum sem eiga sér stað á þeim tíma né veitir það þátttakendum aðstoð ef upp koma villur í aðgerðum.
• fá þátttakendur í áskrift skýrslur frá kerfi Nasdaq CSD.